Vushtrria nuk dorëzohet, kërkon fitoren për të barazuar serinë

133

Te KHF Vushtrria po mobilizohen për ndeshjen e dytë finale të plejofit ndaj Istogut.

Finalja e dytë është të martën (sot) nga ora 17:00 në palestrën “Jeton Tërstena – Tota” në Vushtrri. Finalen e parë e ka fituar Istogu, por vushtrriasit synojnë të barazojnë serinë finale.

Trajneri Arben Parduzi ka vlerësuar ekipin e Istogut.

“Pres një lojë të fortë nga të dy ekipet, në veçanti një lojë më të mirë nga ekipi im, Vushtrria. Jemi të vetëdijshëm që kemi të bëjmë me një ekip mjaft cilësor. Do ta respektojmë kundërshtarin, por do të japim maksimumin që nesër të dalim fitues dhe të kërkojmë që në lojën e tretë, me pak fat, t’ia dalim dhe të bëhemi kampion. Loja e së martës ka rëndësi shumë të madhe për ekipin e Vushtrrisë”, ka thënë trajneri i vushtrriaseve, Arben Parduzi për faqen zyrtare të FHK-ës.