Të kontrollosh makinën përmes orës inteligjente

148

Jaguar Land Rover ka prezantuar një aplikacion të ri, të adaptueshëm me orët inteligjente Android Wear, për të kontrolluar në distancë disa funksione të makinës, si ajo e klimatizatorit, nivelit të karburantit, apo dhe vetë ndezjes së motorit.

Kjo teknologji u prezantua në Wearable Technology Show 2016. Nëpërmjet saj mund të gjesh automjetin brenda një parkingu, por edhe të bllokosh apo zhbllokosh në distancë portat.

Jaguar F- Pace është makina e parë e grupit që ka përshtatur teknologjinë inovative Activity Key, dhe është një aplikacion që punon si për Android Wear edhe për Apple Watch.

Më këtë aplikacion shmanget edhe çelësi fizik i automjetit, të cilin mund ta lini brenda tij dhe të hapni dyert përmes aplikacionit pa patur nevojën ta merrni me vete.

Activity Key funksionon me sistemin InControl Touch Pro me të cilin mund të hysh në aplikacionet e preferuar për smartphone nëpërmjet ekranit me prekje prej 10.2 polsh.