Singapori, më i shtrenjti në botë

159

New York dhe Los Angeles kanë shënuar ngritje, Londra ka hyrë në “Top Ten”, por Singapori mbetet qyteti më i shtrenjtë në botë. Ky qytet kryeson sondazhin e kryer nga Economist Intelligence Unit’s për 2016, përsa i takon kostos së jetesës, për të tretin vit radhazi.

Por sidoqoftë, po mbyllet hendeku mes Singaporit dhe dy qyteteve të tjera që e ndjekin në renditje. Zyrihu në Zvicër dhe Hong Kongu janë me pikë të barabarta në vendin e dytë, me Hong Kongun që ka ngjitur plot shtatë vende në renditje përgjatë 12 muajve të shkuar. Londra, New York dhe Los Angeles janë ngritur respektivisht në vendin e gjashtë, shtatë dhe të tetë me New York në pozicionin më të lartë që nga 2002.

Në fakt, New York është bërë më i shtrenjtë në pesë vitet e shkuara, duke ngjitur plot 42 vende që nga 2011.

Raporti i përvitshëm klasifikon 133 qytete bazuar në një vëzhgim që kryhet dy herë në vit. “Singapori është vendi më i shtrenjtë në botë për të blerë dhe mbajtur një makinë, kjo falë sistemit kompleks të certifikimit”, thekson raporti, sipas të cilit, kthimi i vëmendjes nga transporti publik nuk është ndonjë lehtësim i madh. Kostoja e transportit në Singapor është 2.7 herë më e lartë se në New York.

Klasifikimi i 10 qyteteve më të shtrenjta të botës për 2016 është si më poshtë:

1. Singapor
2. Zyrih
3. Hong Kong
4. Gjenevë
5. Paris
6. Londër
7. New York
8. Kopenhagen
9. Seul
1. Los Angeles

Ndërsa në anën tjetër në 10-shen e qyteteve më të lira për të jetuar, pjesa më e madhe ndodhen në Azi.