Si u “avulluan” 500 mijë euro të investimeve në stadiumin e klubit të Superligës

2733

Ish-zëvendësministri i Kulturës Rinisë dhe Sportit, Arber Grabovci, nëpërmjet një statusi në rrjetin social Facebook, ka shprehur shqetësimin rreth 500 mijë eurove të “avulluara” që do të duhej të investoheshin në stadiumin “Shahin Haxhiislami” në Pejë.

Ja postimi i plotë i Grabovcit, pa ndërhyrje:

“Ku mbetën rreth 500 mijë euro për Stadiumin ,,Shahin Haxhiislami” në Pejë

Në vitin 2017, me një solemnitet plotë pompozitet u filluan punimet në ndërtimin e tribunës perëndimore të Stadiumit ,,Shahin Haxhiislami”. Kontrata ishte në vlerë prej 687,308 € dhe punimet duhet të kryheshin për 36 muaj. Pas 5 vitesh gjendja e Stadiumit ka mbetur një gërmadhë, siç shihet edhe në foto.

Përveç që nuk u mbajtë premtimi pyetja që don gjithsesi përgjigje është KU mbetën 445,969€ të dhëna operatorit dhe PSE ju dhanë kur punimet nuk u kryen?

Punimet janë bërë vetëm nëntokë e pagesa i është bërë në vlerë prej 65% të kontratës.

Nëse jo Komuna e Pejës dhe Ministria e Kulturës, Rinisë e Sportit përgjigjen duhet ta gjejnë Policia dhe Prokuroria.

Vitin e kaluar perseri u promovuan fillimet e punimeve në Stadiumin ,,Shahin Haxhiislami” nga Ministria dhe Komuna ku theksuan se do të investohet 9 milion euro, por 500 mijë euro të ndara vitin e kaluar nuk u shpenzuan fare ndërsa që për vitin 2021 në buxhet nuk u nda asnjë cent. Stadiumi mbeti gërmadhë ndërsa 445,969 € u dhanë. A mund të quhet kjo qeverisje e mirë?

Këtë çështje të ndijshme disa herë e kam ngritë edhe në Asamble dhe nuk do të ndalëm deri në zgjidhjen e problemit dhe ndeshkimin e fajtorëve që sollën stadiumin në këtë gjendje të mjerueshme dhe parat i dhanë pa kryer punimet.

#kerkojmepergjegjesi”