Luftë e ashpër për “Këpucën e Artë”

173

Gara për ‘Këpucën e Artë’ sa vjen e bëhet më interesante, kur kanë mbetur edhe pak xhiro deri në fund të kampionateve.

Cristiano Ronaldo, Jonas, Gonzalo Higuain dhe Zlatan Ibrahimovic, janë golashënuesit më të mirë këtë edicion në Evropë.

Që të katër futbollistët kanë realizuar nga 30 gola deri më tani për skuadrat e tyre. Pas kësaj katërshe, qëndrojnë Luis Suarez me 26 gola dhe Robert Lewandowski me 25.

Duket se ‘Këpuca e Artë’ këtë edicion do të shkojë për njërin nga Ronaldo, Higuain apo edhe Ibrahimovic.

Që të tre lojtarët janë duke shkëlqyer me Realin, Napolin e Paris Saint Germainin dhe priten edhe shumë gola prej tyre deri në përfundim të këtij edicioni.