Graniti e ripërsërit: Ja pse nuk jam tani te Shqipëria

146

Granit Xhaka është një prej futbollistëve më të mirë në Bundesligë, dhe është kthyer në një obsesion për shumë skuadra të mëdha Europiane.

Futbollisti me origjinë shqiptare ka zgjedhur që të Përfaqësojë ngjyrat e Zvicrës disa vite më parë. Një zgjedhje për të cilën ai i ripërsërit edhe “fajtorët” në një intervistë të dhënë së fundmi.

“Është shumë e thjeshtë. Në Shqipëri askush nuk shfaqi interes për mua ndërsa ndryshe ndodhi nga ana e zviceranëve. Krejt e kundërt ishte situata e Taulantit”.

Më pas ai dha një koment të shkurt edhe për Kosovën.

“Si Taulanti edhe unë kemi lindur në Zvicër. Për herë të parë kemi shkelur në Kosovë në moshën 12-vjeçare. Kemi kaluar si pushimet e dimrit edhe ato të verës atje te gjyshërit tanë”, u shpreh Granit Xhaka.