Gjesti i Cristiano Ronaldos i kushton Coca Colas katër miliardë dollarë – bien aksionet e gjigantit

307

Vlera e Coca Colas ka rënë për katër miliardë dollarësh, pasi Cristiano Ronaldo largoi nga tavolina dy shishe dhe në vendin e tyre vuri një ujë, në konferencën e tij për shtyp të hënën.

Ylli i Portugalisë dihet që është një ithtar i jetës së shëndetshme përmes ushqimit dhe nuk i pëlqen pijet me gaz siç është Coca Cola.

Në konferencën për shtyp përpara ndeshjes së Portugalisë në hapjen e Euro 2020 kundër Hungarisë , sulmuesi u ul dhe largoi dy shishe Coca Cola në njërën anë. Ai pastaj mori një shishe ujë dhe vuri para vetës.

Mesazhi ishte i qartë dhe, si dhe duke u bërë viral në mediat sociale, gjë që ka pasur ndikim edhe në botën financiare.

Aksionet e Coca Cola ranë nga 56.10 dollarë në 55.22 dollarë pothuajse menjëherë pas gjestit të Ronaldos, që do të thotë se vlera e ndërmarrjes ra nga 242 miliardë dollarë në 238 miliardë dollarë, shkruan Marca.

Nëse dikush dyshonte për fuqinë e fjalëve dhe veprimeve të Ronaldos, tani nuk do të ndodhin më.

Kjo nuk është hera e parë që Ronaldo ka folur kundër pijeve të gazuara, pasi ka treguar më parë se si ai përpiqet t’ia shmangë birit të tij.

“Herë pas here djali im pi Coca Cola ose Fanta, ai e di që nuk më pëlqen kjo”, kishte thënë Ronaldo në të kaluarën.