5 deputetë të opozitës dënohen me nga 30 ditë arrest shtëpiak

127

Albulena Haxhiu, Besa Baftiu, Donika Kada, Fisnik Ismaili dhe Pal Lekaj janë dënuar sot me nga 30 ditë arrest shtëpiak.

5 deputetët e tjerë të arrestuar dje, Enver Hoti, Mytaher Haskuka, Rexhep Selimi, Shqipe Pantine dhe Teuta Haxhiu, u dënuan me paraqitje në Polici.

Në reagimin e saj, Lëvizja Vetëvendosje ka kërkuar ndalimin e persekutimit të opozitës duke theksuar se sistemi i kapur i drejtësisë në Kosovë, vazhdon të jetë mjet i pushtetit për të shtypur zërin opozitar në Kosovë.

“Përjashtimi nga seanca e djeshme ishte i padrejtë, i jashtëligjshëm dhe antikushtetues. Po ashtu edhe ky dënim i tyre i sotëm, është i jashtligjshëm dhe i papranueshëm, ngase deputetët vazhdojnë të kenë imunitet, dhe se veprimet e tyre janë legjitime dhe në mbrojtje të sovranitetit dhe integritetit territorial të vendit”, thuhet të reagimin e Vetëvendosjes.

“Ne do të vazhdojmë edhe më fuqishëm, në rrugën tonë të drejt, për shtet me sovranitet, për Republikë”, përfundon reagimi.