Vokrri takohet me Infantinon, merr premtime të mëdha

91
Kreu i FFK-së, Fadil Vokrri dhe sekretari i përgjithshëm Eroll Salihu, të cilët ishin të pranishëm në kongresin e FIFA-s, kanë shfrytëzuar rastin që ta takojnë presidentin ri dhe ta urojnë për detyrën e re.

Infantino gjatë këtij takimi u ka premtuar kosovarëve se do t’i mbështet në rrugën e tyre drejtë ndërkombëtarizmit të futbollit.

“Duke uruar Infantino, për postin e tij të ri,  edhe njëherë i kanë kërkuar atij që të mbështesë përpjekjet e FFK-së që të bëhet sa më parë anëtare e UEFA-s dhe FIFA-s”, thuhet në njoftimin e FFK-së.

“Ndërsa, presidenti ri i FIFA-s, Gianni Infantino, ka treguar mirëkuptim të plotë për kërkesat e FFK-së dhe ka premtuar se ai do të vazhdojë të mbështesë FFK-në. Ai situatën dhe gjendjen në futbollin e Kosovës e ka të qartë edhe nga takimet që ka pasur me krerët e FFK-së në kohën sa ishte sekretar i përgjithshëm i  UEFA-s.”, vazhdon njoftimi.

Në fund të njoftimit thuhet se krerët e FFK-së janë të kënaqur me zgjedhjen e Infantino, meqë vjen nga komuniteti i futbollit dhe duke qenë një kohë të gjatë në postet drejtuese të  UEFA-s. Ai më së miri e di dhe e kupton futbollin dhe kërkesat e FFK-së, duke qenë të bindur se presidenti ri do ta mbështesë FFK-në drejt arritjes së objektivave.