Vokrri nuk kemi pse t'i kërkojmë falje familjes Xhaka

161

Kryetari i Federatës së Futbollit të Kosovës, Fadil Vokrri i është përgjigjur Ragip Xhakës, i cili kishte thënë se FFK të paktën duhet t’i kërkojë falje Granitit dhe të tjerëve.

Vokrri tha se ai nuk ka çfarë t’i kërkojë falje, pasi asnjëherë nuk kanë thënë asgjë për të dhe kërkesa e tyre e vetme ka qenë për ata që dëshirojnë të luajnë për Kosovën, të bëjnë kërkesë në FIFA.

Ai tha se ende i qëndron asaj që ata lojtarë që dëshirojnë të luajnë për Kosovën, duhet të bëjnë kërkesë individuale.

“FFK asnjëherë nuk e ka quajtur tradhtar Granit Xhakën e as ndonjë tjetër. Unë ende i qëndroj asaj që ata lojtarë që dëshirojnë të luajnë për Kosovën, duhet të bëjnë kërkesë individuale në FIFA”, tha fillimisht Vokrri për Gazeta Express. “Unë as ne si FFK nuk kemi çfarë ti kërkojmë falje askujt. Ata lojtarë që kanë dashur të luajë për Kosovën kanë bërë kërkesë dhe ajo kërkesë u është pranuar”.