Vllaznia në shitje!

Skuadra e Vllaznisë mbylli muajin e kaluar sezonin më të errët në historinë e saj, që kulmoi me rënien për herë të parë nga elita e futbollit shqiptar.

Problemet me menaxhimin dhe detyrimi për të kthyer klubin në një shoqëri aksionere, më në fund e shkundën Bashkinë e Shkodrës që të nxjerrë në shitje ekipin.

Bashkia ka përcaktuar si vlerë minimale 507 milionë lekë për shitjen e Vllaznisë, një shifër e ulët konsideruar vlerën dhe historinë e klubit “kuq e blu”, që në gusht do ta nisë nga një kategori inferiore.