Tohir mendon largimin nga Interi

103

Edhe pse është herët për të dalë në përfundime, mund të thuhet se Erik Tohir është mërzitur shumë shpejt prej “lodrës” më të fundit. Investitorit indonezian nuk i kanë dalë mirë llogaritë dhe në muajt e fundit është munduar që të gjejë një mënyrë për të shpëtuar prej “vorbullës” zikaltër.

Gjysmë e vërteta

Lajmi që publikoi dje “Gazzetta”, sipas të cilës 45-vjeçari i ka kërkuar “Goldman Sachs” të gjejë blerës për aksionet e Masimo Moratit, ishte pjesërisht i vërtetë. Indoneziani ka kontaktuar me bankën për të kërkuar blerës për aksionet që zotëron vetë. Por institucioni në fjalë i ka thënë se askush nuk do të ishte i gatshëm që të blinte një pjesë të aksioneve (që nuk do t’i siguronin mazhorancën) dhe për këtë motiv Erik Tohir ka nxjerrë në “treg” të gjithë paketën që i lejon të kontrollojë klubin.