“Skifterat” kremtojnë përvjetorin e kryengritjes, insistimi tyre solli stabilitetin në klub

Katër vite kanë kaluar që kur tifo grupi “Skifterat” u mblodhën për herë të parë në hapsirat e klubit të tyre të zemrës “Gjilanit” për të kërkuar largimin e drejtuesve të klubit dhe për t’i hapur rrugë privatizimit, shkruan Gazetasheshi.com.

Situata ishte tejet e rënduar, pasi që futbollistët kishin muaj pa u paguar, ndërkohë që ky grupim i tifozëve kishte insistuar deri në pikën e fundit për të ardhur ndryshimet e reja në klub.

Madje, një pjesë e tyre kishin qëndruar me ditë të tëra në dhomat e zhveshjes duke protestuar kështu për situatën në të cilën ndodhej klubi.

Pas shumë insistimeve drejtusit e klubit kishin vendosur për t’u larguar, ndërkohë më pas pasoi kuvendi zgjedhor dhe privatizimi i klubit.

Tashmë pas katër vitesh, Gjilani nuk i ka më problem financat, por mënyrën se si të arrihen trofetë, pasi që klubi ndodhet në duar të sigurta të biznesmenit Florim Zuka.

/Gazeta Sheshi/