Ky është formacioni i Kosovës për duelin ndaj Madagaskarit, Zhegrova titullar nga minuta e parë

Përfaqësuesja e Kosovës do të luaj ndeshjen e parë miqësore me trajnerin e ri Bernard Challandes.

Përzgjedhësi i ri i Kosovës ka bërë disa ndryshime në formacion.

Telegrafi ka mësuar ekskluzivisht edhe formacionin titullar të Përfaqësueses sonë.

Në portë do të jetë kapiteni Samir Ujkani, ndërsa krahët e mbrojtjes janë mbuluar nga Vojvoda e Kololli.

Fidan Aliti do të startojë në qendër të mbrojtjes së bashku me Amir Rrahmanin.

Dy mesfushorët qendror do të jenë Herolind Shala dhe Hekuran Kryeziu, ku që të dy po kalojnë nëpër një formë të lartë.

Edon Zhegrova do të debutojë në krahun e djathtë të mesfushës, ndërsa në të majtë do të jetë Bernard Berisha.

Bersant Celina dhe Vedat Muriqi do të jenë sulmuesit e Kosovës në këtë takim.

Kosova do të luaj me Madagaskarin me fillim nga ora 19:00 në Paris të Francës.

Formacioni zyrtar: Ujkani, Vojvoda, Aliti, Rrahmani, Kololli, Shala, Kryeziu, Zhegrova, B. Berisha, Celina dhe Muriqi.