Kuponët fiskal tani e tutje do te dorëzohen në Postë

158

Që nga nesër të gjithë personat që dëshirojnë të dorëzojë kuponë fiskale në Administratën Tatimore të Kosovës, mund t’i dorëzojnë ato në të gjitha pikat e Postës së Kosovës.

ATK nëpërmjet një njoftimi bën të ditur se ka ndryshuar vetëm vendi i dorëzimit të plikos, ndërsa procedurat tjera mbesin të njëjta.

“Fillimisht, obligoheni që të plotësoni aplikacionin për rimbursim të mjeteve nga grumbullimi i Kuponëve Fiskal. Aplikacioni duhet të plotësohet në mënyrë elektronike përmes ueb-faqes së Administratës Tatimore të Kosovës www.atk-ks.org, në linkun shërbime elektronike – Aplikacioni për Kuponë Fiskal”, bëhet e ditur në njoftim.