Kosova U17 – Andora U17, ky është rezultati i ndeshjes

Kombëtarja e Kosovës U17 e përbërë me futbollistë nën moshën 16-vjeçe ka shënuar fitore në ndeshjen e parë në kuadër të turneut zhvillimor të UEFA-s që po mbahet në Letoni.

Të përzgjedhurit e Besnik Kollarit iu gëzuan fitores në duel me Andorën, me rezultat 1:0.

Golin e fitores për Kombëtaren tonë e realizoi Eliot Llullaku, në minutën e 7-të.

Ndeshjen e radhës Kosova do ta zhvillojë kundër Letonisë, më 28 prill, derisa në ndeshjen e fundit luan kundër San Marinos.