Juventusi triumfon ndaj Milanit, vendos perla e Dybalas

Juventusi ka marrë një fitore të vështirë përballë Milanit, në derbin e javës së 12-të në Serie A.

‘Bardhezinjët’ triumfuan me rezultat minimal, në një ndeshje e cila nuk shkoi ashtu siç pritej.

Realizatori i vetëm i kësaj ndeshje ishte Paulo Dybala (77’), që shënoi një gol mjaft të bukur.

Argjentinasi ishte pikërisht lojtari që zëvendësoi Cristiano Ronaldon në minutën e 55’, e që ky i fundit nuk e priti aspak mirë duke ikur drejt e në zhveshtore.

Me këtë fitore Juve mban vendin e parë me 32 pikë, kurse Milan në pozitën e 14-të me 13 pikë të tubuara.