Ja sa do të fitojnë futbollistët e Kosovës nëse kualifikohen për Botëror

337

Kryetari i Kuvendit të Kosovës, Kadri Veseli, premtoi se secili lojtarë i Kosovës do të marrë një shpërblim prej 100 mijë euro, në rast se kualifikohet në kampionatin botëror.

Këto deklarata u dhanë në kthim të ekipit kosovar nga Finlanda.

Loja e mirë e ekipit të Kosovës me Finlandën, që u mbyll me barazim por që ra në sy të mediave dhe ekspertëve të huaj, duke marrë përgëzime për cilësinë, ka sjellë edhe efektet e para pozitive.

Secili lojtar i kombëtares së Kosovës, do të marrë nga 100 mijë euro shpërblim, nëse arrijnë të kualifikojnë ekipin e vendit tonë në kampionatin botërorë që pritet të mbahet në Moskë.

Premtimi ka ardhur nga Kryetari i Kuvendit të Kosovës, njëherit dhe kryetarit të Partisë Demokratike të Kosovës, Kadri Veselit. Ai i ka quajtur ekipin e Kosovës, Brazili i vogël.

“Nga 100 mijë euro premtoj për secilin lojtar nëse arrijnë të kualifikohen, gjë të cilën unë e besoj. Loja e djeshme dëshmoi se nuk jemi inferiorë ndaj asnjë ekipi. Urime djelmoshave dhe gjithë vendit”, tha Kryetari i Kuvendit të Kosovës, Kadri Veseli.

Edhe kryetari i Federatës së Kosovës, Fadil Vokrri tha se kanë marrë përgëzime nga figurat më të mëdha të organizatave botërore si UEFA dhe FIFA.