Ismet Munishi kritikon ashpër “Skifterat”

Trajneri i njohur kosovar Ismet Munishi ka kritikuar ashpër tifo grupin “Skifterat”, të cilët sipas tij pa nevojë kanë ndërhyrë në politikat e klubit dhe me veprimet e tyre kanë shkaktuar kaos të panevojshëm.

Madje, Munishi e sheh si të gabueshëm largimin e Arbnor Morinës nga stoli i Gjilanit, teksa klubi po vuan mungesën e tij.

“U përziet në politikën e klubit, tani klubi është në gjendje shumë të keqe. Po të ishte Arbnor Morina ende trajner i Gjilanit, klubi nuk do të ishte në këtë gjendje”, deklaroi Munishi, përcjell faqja “Futbolli i Kosovës”.

Këto deklarata të Munishit vijnë para duelit vendimtar që Gjilani e zhvillon të shtunën përballë Vëllaznimit për ti ikur barazhit.

/Gazeta Sheshi/