Gjilani e ka me gjyqtarët, ‘kuqebardhët’ me ankesa në ndarjen e drejtësisë!

436
Pamje nga ndeshja ndërmjet Llapit dhe Gjilanit | FOTO: Shpend Ahmeti
Gjilani e ka nisur në mënyrën më të keqe të mundshme stinorin pranveror. Skuadra e Bylbyl Sokolit është eleminuar fillimisht nga gara e Kupës së Kosovës, ndërkohë më pas ka barazuar me Feronikelin dhe është mposhtur nga Llapi, shkruan Gazetasheshi.com.

Në klubin gjilanas po besojnë se e kanë gjetur fajtorin e këtyre rezultateve, derisa e kanë drejtuar gishtin nga ‘këmishzinjtë’ që kanë drejtuar ndeshjet e tyre.

Përveç paknaqësisë në duelin e fundit ndaj Llapit, me ç’rast ‘kuqebardhët’ pretendojnë për penalti brenda zonës, gjilanasit gjithashtu kanë publikuar edhe pamje nga një mundësi e mirë shënimi në duel ndaj Feronikelit.

Më poshtë mund ta ndiqni edhe kumtesën e plotë të SC Gjilanit:

REAGIM

Skuadra jonë më shumë se nga kundërshtarët e pëson nga referimi, ku në dy javët e para të pjesës së dytë kampionale u dëmtua dy herë nga gjyqtarët, në përballjet e sotme kundër Llapit dhe asaj kundër Feronikelit në xhiron e kaluar.
Pamjet të cilat i kemi publikuar flasin të kundërtën e vendimeve të tyre, me ç’rast ato ndikuan direkt në rezultatet e këtyre dy ndeshjeve.
E nisim me penaltinë e sotme, ku qartë duket se futbollisti i Llapit, Arbnor Ramadani, e ndal brenda zonës me dorë topin e goditur nga futbollisti ynë Fiton Hajdari, e për çudi as gjyqtari kryesor Alban Shala e as ndihmësit e tijë nuk reaguan fare, duke mos sinjalizuar lojë me dorë brenda zonës së Llapit.
Rasti i dytë është nga ndeshja Feronkeli-Gjilani, ku gjatë një aksioni sulmuesi ynë, Arbër Çyrbja pranon topin nga mesfushori, Muhamed Useini, e që në pamje duket se Çyrbja gjindej në pozit të rregullt mirëpo kësisoj nuk menduan gjyqtarët e takimit, duke ndaluar lojën si pozitë të pa rregullt edhe pse sulmuesi ynë ishte mbi një metër brenda në lojë.
Bëjmë thirrje Federatës dhe organeve kompetente që të kontrollohen këto lëshime dhe të mos na përsëriten javë pas jave pasi gabimet e tilla po na kushtojnë me ndeshje.
Ne gjithashtu ditën e nesërme edhe zyrtarisht do ti drejtohemi me ankesë FFK-së, ku do të kërkojmë përgjegjësi për këto gabime qe po na përsëriten ç’do javë.

 

Rasti i 2-të, ku në takimin Feronikeli-Gjilani, gjyqtari anësor e ndalon si pozicion jashtë loje Arbër Çyrben, në këtë aksion të nisur nga Useini, e që pamjet flasin të kundërtën.

May be an image of një ose më shumë njerëz, people standing, people playing football dhe ambiente të jashtme

Gjilani vijon të mbetet në pozitën e katërt të renditjes tabelare me 30 pikë të tubuara.

/Gazeta Sheshi/