Emery flet për sezonin e ri, tifozët e Arsenalit duhet t’i lexojnë deklaratat e tij

Trajneri i “Gunners”, optimist para sezonit të ri.

Unai Emery ka folur para sezonit të ri.

Trajneri i Arsenalit beson shumë në skuadrën e tij, përcjellë “Lajmi.net”.

“Stili ynë me topin duhet të jetë protagonist, të bëjmë gjëra me kombinime, të kontrollojmë ndeshjen me pozicionimin e topit dhe pastaj, kur të kemi hapësirën, të jemi agresivë, duke shkuar përpara”, deklaroi Emery.

“Në mbrojtje: së pari duhet të organizohemi mirë, të mos e dorëzojmë topin shpejt. Në këto dy momente të ndeshjes ne duhet të punojmë, të themi se këtu në stërvitje është më e lehtë se ta bëjmë atë në fushë. Pra, kemi nevojë për kohë, por tani jam i lumtur, sepse mendoj se lojtarët po përmirësohen”.

Ne kemi nevojë për dy gjëra: lojtarë cilësorë, të cilët nuk na mungojnë, dhe pastaj organizim. Së bashku mendoj se mundemi të përmirësohemi, të fitojmë në rrugën tonë. E përsëris filozofinë tonë: organizohu, pastaj luaj”, shtoi ai.