Dresheviqi në mesin e më të mirëve në Eredivise në muajin gusht

Një gol i bukur nga goditja e dënimit. Një gol edhe më i bukur me goditje të saktë nga rreth 35 metra largësi dhe paraqitjet e fantastike në pesë ndeshjet e para të kampionatit kanë bërë që mbrojtësi Ibrahim Dresheviq të hyjë në formacionin e muajit gusht në Eredivisie.

Faqja zyrtare e kampionatit holandez ka publikuar formacionin e muajit gusht, pjesë e të cilit është edhe mbrojtësi i kombëtares së Kosovës, Dresheviq që mbron ngjyrat e Heerenveenit.

Në këtë edicion Dresheviq ka ndihmuar skuadrën me dy gola.

Ekipi i muajit dominohet nga Ajaxi, që ka katër lojtarë, e nga dy kanë Twente e Heerenveeni.