Daku: Paguhem për të shënuar dhe për t’i vendosur këto ndeshje!

1596

Mirlind Daku ka vazhduar me formë të lartë, duke ia siguruar një fitore të madhe Ballkanit. Ballkani të dielën në kuadër të xhiros së 20-të e mposhti Feronikelin në Suharekë. Daku shënoi me goditje me kokë në minutën e 82-të, pasi krosimit të Ermal Krasniqit, shkruan Gazetasheshi.com.

Me këtë fitore Ballkani del në vend të parë në Superligë me 44 pikë, sa i ka edhe Drita në vend të dytë.

Protagonisti i kësaj ndeshje theksoi se është tejet i kënaqur me fitoren e realizuar dhe jep një koment epik.

“Së pari jam i kënaqur për ekipin, pastaj edhe për vetën time normalisht. Nuk e nisëm mirë pranverën, por më pas u rikthyem edhe përse unë nuk luajta në ndeshjen e kaluar. E rëndësishme është fitorja për momentin. Golat? Unë paguhem për këtë punë, të shënoj dh t’i vendos këto ndeshje”, deklaroi Daku për “Art Sport”.

Daku deri më tani i ka shënuar 22 gola.

/Gazeta Sheshi/