Beckenbauer “i tërheq veshin” Guardiolës

100

Në Gjermani vazhdon të shkaktojë polemika takimi në Amsterdam mes Txiki Begiristain dhe Pep Guardiolës në kuadër të planifikimit të sezonit të ardhshëm të Manchester Cityt. Edhe pse Karl-Heinz Rummenigge i doli në mbrojtje trajnerin spanjoll, Franz Beckenbauer, që është një autoritet i padiskutueshëm në klubin bavarez nuk është aspak dakord për mënyrën sesi po vepron Guardiola.

Arsyeja e irritimit të “Kaizerit”, nuk është vetëm udhëtimi i 44-vjecarit drejt Amsterdamit për llogari të klubit anglez, por edhe fakti që Cityzëns kanë shfaqur interes për David Alaban, një nga lojtarët kryesore te kampionët në fuqi të Bundesligës. Beckenbauer i kujtoi ish-trajnerit të Barcelonës se mund të bëjë cfarë të dojë në kohën e tij të lirë, por pa lënë pas dore detyrimet që ka te Bayerni.

Futbollistin e kombëtares austriake e pelqen shumë edhe Barcelona, por së fundmi ka dalë në skenë edhe Reali i Madridit. Gjithsesi nga Mynihu raportojnë se mbrojtësi 23-vjecar ka rinovuar kontratën deri në vitin 2021.

Beckenbauer shtoi më tej se nuk mendon se futbollistët kanë humbur besimin ndaj Guardiolës, aq që Pep dëshiron të t’i tërheqë “yjet” e Bayernit drejt Premier Leagues, por thjesht trajneri aktual i Bayernit duhet të ketë kujdes me veprimet e tij, që të mos ngjallë keqkuptime.