16-vjeçarja Astera Tuhina debuton në elitën e basketbollit spanjoll

Reprezentuesja e Kosovës, Astera Tuhina ka debutuar edhe zyrtarisht  në elitën spanjolle me ekipin e saj Deportivo Promete.

Tuhina, vetëm 16-vjeçare debutoi kundër SPAR Girona, ekip në të cilin luajnë yje të kombëtareve nga Spanja dhe Serbia, njofton Federata e Basketbollit e Kosovës.

Tuhina është duke e vazhduar me sukses prej disa vitesh karrierën e saj në Spanjë.

Ajo është pjesë e Kosovës U-20, kurse më parë ka luajtur edhe me U-16.